Жил бүр уламжлал болгон зохион байгууллагддаг Монгол улсын уул уурхайн салбарын хамгийн том үзэсгэлэн "Mongolia Mining" 2019 яармагт манай "Темсо" ХХК нь бүрэн бүрэлдэхүүнээрээ оролцох гэж байна.
Ес дэх жилдээ зохион байгуулах гэж буй тус үзэсгэлэнд Австрали, АНУ, Англи, Беларусь, Канад, БНХАУ, Финланд, Герман, Итали, Казакстан, ОХУ зэрэг 20-иод орноос 150 гаруй компани оролцох ажээ.
Манай "Темсо"ХХК нь тус үзэсгэлэнд анх удаагаа Yutong YTK89A 2019 оны шинэхэн загварын өөрөө буулгагч самосвал машины танилцуулгыг хийх болно. Мөн уул уурхай хүнд машин механизмыг хянах Голландын алдарт Orlaco брэндийн аюулгүй ажиллагааны хяналтын цогц систем /өдөр шөнийн өндөр нягтралтай камер, бүсийн хяналт бүхий радар, мониторингийн программ гэх мэт/, ОХУ-ын бүх төрлийн уул уурхай хүнд машин механизмд таарах хямд үнэ, өндөр чанар бүхий агаар шүүгч, тосны шүүр, БНХАУ-ын №1 дугуй үйлдвэрлэгч Techking брэндийн хүнд даацын дугуй зэргийг танилцуулах болно.
Эрхэм харилцагч та бүхнийг тус үзэсгэлэнд хүрэлцэн ирж манай бүтээгдэхүүн, үйлчилгээтэй танилцахыг урьж байна.
