Манай компанийн албан ёсны дистрибьютор эрхтэйгээр борлуулж буй YUTONG YTK89A загварын 60 тонны даац бүхий өөрөө буулгагч самосвалууд маань Өмнөговь аймгийн Бага Таван толгойн орон нутгийн уурхайд ажиллаж эхлээд 1 жил өнгөрчээ. Энэхүү хугацаанд манай инженер техник, засвар үйлчилгээний багууд маань худалдан авагч тал "Овоот Толгой Ресурсес"ХХК - тай амжилттай ажилласаар ирлээ.
Уг 60 тонны өөрөө буулгагч нь Монгол улсын уул уурхайн талбарт анх удаагаа ажил гүйцэтгэсэн ба тус компанийн зүгээс "Ажлын бүтээмж өндөр, эвдрэл багатай" гэсэн сэтгэл хангалуун мэдэгдлийг бидэнд өгсөнд баяртай байна.
Ижил төрлийн өөрөө буулгагчийн бүтээлтэй харьцуулахад тэвшний эзэлхүүн 3-аас 4 м.куб уулын цул шороо буюу 24-26 м.куб ачиж байгаа нь дата мэдээлэлд тодорхой харагдаж байлаа. Энэхүү 3 м.куб зөрүү нь ойролцоогоор 10 ширхэг Yutong өөрөө буулгагчийн бүтээл дээр бүтэн жилд 1 тэрбум гаран төгрөгний хэмнэлт гарсан гэсэн үг юм.
Манай компани цаашдаа өшөө олон сайжруулалт болон түүнд үндэслэсэн ашигтай ажиллагааны бүтээмжийг эргэн сурвалжилж байх болно.
